اختصارات العيون ...... ربيع القلب

اختصارات العيون

ما منعني من عتابي غير ذا اللي اسمه الخجل
مادريت اشلون ابدا قلت الله يسلـــــــــــــــمك
امدحك واكسر حيائي .. خفت يكسرني الزعل
وانته لو تزعل حبيبي دمي يغلي مو دَمـــَـــك
حتى انته بهيبتك هابت مع قلبي الجــــــــــمل
وانا من كثر احتياجي ما قدرت آفهـّـــــــــمك
والله انك لو تقول النمل اكبر من الجــــــــــبل
تلقى يدي لك تصفق .. بس مفقد عالمـــــــــك
في كلامك نص عذابي وفي سكوتك يكتــــمل
وان سكتّ اخلق حكايه والمهم اكلمــــــــــــك
كل يوم اغفي واصحى والامل نفس الامـــــل
كيف بس ارضي عذابك وانته قاسي مظلمــك
مالي فالابراج حاجه و قمت احب برج الحمل
لما قلت ان هذا برجك قلت يمكن افهــــــــمك
شي عادي لو انام والقى طيفك لي يهــــــــــل
لعنبو حظي وانا صاحي بعد قمت احلمـــــــك
لما قالوا ان هذا الكون اعظم ما حصــــــــــل
قمت اضحك بين نفسي وقلت جرحي معظمك
عن عذابي ما سألت وبس جرحي اللي ســـأل
وأه يا جرحي دخيلك كيف اقدر الجمـــــــــك
هي كذا ولا كذا ما عدت اقدر احتــــــــــــــمل
وانا صدق براحتي ما صار ودي اوهمـــــــك
فاختصارات العيون ابتلقى ما قـــــــــــل ودل
والسواد اللي بعيوني.. قلت فيه آعلمـــــــــــك