مسعوده والعبد وختهاا واخوها .. حصريا وفقط على wanted

بسم الله الرحمن الرحيم

السلام عليكم ورحمة الله وبركاته

هاي القصه كانت اميه دايما تحازينا بها

بسم الله:-


كانت بنت تحب الراعي"العبد" ومن كثر ما تحبه دزت امها في الطوي "البير" وامها كانت حامل

وعرست البنت بالراعي

وختها مسعوده اضغر عنها.. يوم من الايام وهيه سايره ترعى البوش سارت تروي مسعوده في نفس الطوي اللي ماتت فيه امها .. لقت اخوها طافي على الماي

نزلت له وشلته .. حطته فوق السمره سوتله جيه مكان يرقد فيه وتمت كل فير تسير ترعى البوش وترد المغرب

ياها مره الراعي وقال لها :- مسعوده ليش تنسرحين البوش من الفير وتردينهن المغرب؟

مسعوده:- انته تدري ليل ما انشرهن واردهن يباليه وقت عشان ايمعهن كلهن !!

الراعي:- هييه انزين!!


مره يت قافله ونوخوا بوشهم تحت السمره اللي فيها الولد "اخو مسعوده" سمعوا صوته وقال لهم الشيخ:- قوموا شوفوا شو فوق!!

سار واحد منهم وركب وياب الولد .. والشيخ ما عنده عيال .. فربى الولد ليل ما كبر ويوم كبر قاله الشيخ:- بويه انته ماب ولديه وخذ هالسلاح وخذ هذيك الناقه وتيسر .

وخبر الشيخ الولد بالمكان اللي كان فيه

وسار له .. شاف عيوز عند بوشها ويلس عندها .. وشافت في يبهة الولد ضربه نفس ضربت اخوها .. جان تخبره السالفه من اولها لتاليها ..وخلاف عاد قال لها انا اخوج

>> فلم هندي حشى ..خخ

المهم وقالت له :- لو شافك الراعي بيذبحك

الولد:- ماعليج لا تخافين عليه مابيذبحنيه

وردت مسعوده لديارها .. وكان الولد وراها .. يوم شاف الراعي عطاه بالسيف ع رقبته

وخلاف يو عيال الراعي يقولون .. يا مسعوده اندوج النار يا مسعوده اندوج النار

سار الولد ويلسهم وتم يمدحهم ويشربهم لبن ليل ما انترست بطونهم لبن

وركبهم صعيبات "يعني بوش ماب مأدبات قليلات ادب خخخ"

ركبهم الصعيبات وخطفن يترابعن وهم يسنون سكاكينهم ويقولون :- اسن سكيني واذبح ذبيح ابويه ...اسن سكيني واذبح ذبيح ابويه


وبعدين طاحوا العيال من فوق البوش وماتوا

وسوالم^^